Një apartament në katin e dytë është përfshirë nga flakët në Fushë-Krujë, në lagjen Punëtori.
Zjarri kishte rënë në shtëpinë e dy të moshuarve, Vojsava dhe Bilbil Hoxha, që ishin në gjumë kur flakët po ngriheshin, por mësohet që nuk kanë pasur dëmtime.
Banorët janë alarmuar dhe kanë ndërhyrë duke shembur derën e banesës dhe duke nxjerrë jashtë çiftin për t’i shpëtuar nga asfiksia.
Dyshohet se shkak i zjarrit është bërë një shkëndijë elektrike.
Ndërkohë shërbimi zjarrfikës ka mbërritur menjëherë në vendngjarje.
