Banorët e një lagjeje në Vlorë janë alarmuar këtë pasdite, pasi çatia e një pallati ka marrë flakë. Mësohet se ngjarja ka ndodhur pranë ndërtesës që njihet ndryshe si “ish -Shtëpia e Oficerëve”.
Ndërkohë forcat zjarrfikëse kanë mbërritur në vendngjarje ku po merren me shuarjen e zjarrit dhe vënien nën kontroll të situatës që duket se rrezikon edhe apartamentet e tjera përreth ku jetojnë me dhjetëra familje. Paraprakisht raportohet se dëmet materiale janë të shumta, por nuk ka njerëz të lënduar. Në këtë shtëpi që është e braktisur dhe e shkatërruar prej shumë vitesh strehoheshin gjashtë familje.
