Një banesë është përfshirë nga flakët mbrëmjen e sotme në fshatin Pllane të Lezhës, ku si pasojë është lënduar një person. Burime bëjnë me dije se bëhet fjalë për shtëpinë e shtetasit Besim Demaj, e paraprakisht dyshohet se shkak i rënies së zjarrit ka qenë një shkëndijë elektrike.
Një pjesëtar i familjes ka marrë lëndime të lehta teksa përpiqej të shuante flakët, por është jashtë rrezikut për jetën dhe po merre trajtimin e nevojshëm mjekësor. Kjo familje një ditë më parë kishin gëzim familjar ndërsa sot shtëpia e tyre ka mbetur e shkrumbuar, por fatmirësisht jo në dëme në njerëz.
