Merkel bisedë telefonike me Bashën e përgëzon për konsensusin

Kryetari i Partisë Demokratike, Lulzim Basha zhvilloi një bisedë telefonike me Kancelaren Federale të Gjermanisë, Angela Merkel.

Në fillim të bisedës zoti Basha e informoi Kancelaren Merkel për arritjen e konsensusit për draftin kushtetues të reformës në drejtësi.

Lexo edhe

Ka marrë udhër nga Rama –

Erdogan ‘godet’ kundërshtarin: Bashkëpunoi me organizatë terroriste –

OSBE/ Siguria e rajonit, prioritet i Bosnjë-Hercegovinës –

Zonja Merkel e falenderoi zotin Basha për kontributin e tij dhe lidershipin e treguar në procesin e arritjes së konsensusit si një kontribut madhor për Shqipërine dhe shqiptarët. Kancelarja gjermane shprehu bindjen se zbatimi me sukses i reformës në drejtësi do të jetë një ogur i mbarë për integrimin dhe të ardhmen Europiane të Shqiperisë dhe e siguroi zotin Basha për mbeshtetjen e saj të plotë dhe të gjithanshme.

Zoti Basha shprehu mirenjohjen e thellë peër mbeshtetjen e jashtzakonshme të Kancelares Merkel dhe Gjermanisë ndaj Shqiperisë, në sfidat e rrugëetimit të saj Europian dhe në procesin e reformës në drejtësi dhe e garantoi atë se Partia Demokratike do të vazhdojë të jetë promotore e të gjitha proceseve reformuese duke u udhëhequr nga parimet dhe vlerat Europiane. Beteja e Partisë Demokratike në procesin e reformës në drejtësi ka qënë prej fillimit e deri në kurorëzimin e saj me sukses një beteje për standartet dhe parimet Europiane dhe Perendimore të demokracisë, shtetit ligjor dhe për të drejtat dhe liritë themelore të njeriut, theksoi zoti Basha.

Në këtë kuader sfida më e madhe që Shqiperia ka perpara janë zgjedhjet e lira dhe të ndershme, theksoi zoti Basha. Kancelarja Merkel e siguroi kreun e opozites shqiptare për angazhimin dhe ndihmën e saj dhe të Gjermanisë për zgjedhje të lira dhe të ndershme

BASHA-BROK: REFORMA NË DREJTËSI, HAP PËRPARA NË RRUGËN E INTEGRIMIT EUROPIAN

Gjithashtu, Kryetari i Partisë Demokratike, Lulzim Basha pati dhe një bisedë telefonike me Kryetarin e Komisionit të Punëve të Jashtme në Parlamentin Europian, Elmar Brok, ku mori përgëzime për arritjen e marrëveshjes për reformën në drejtësi.

Brok e cilësoi sukses të jashtzakonshëm të Partisë Demokratike dhe të z.Basha mbylljen me sukses të negociatave.

Kreu i Komisionit të Punëve të Jashtme në Parlamentin Europian, çmoi lart lidershipin e treguar nga z.Basha në arritjen e kësaj reforme, reformë që do të kontribojë në rrugën e integrimit europian të Shqipërisë.

Kryetari i Partisë Demokratike, z.Basha e falenderoi z.Elmar Brok për ndihmën e tij të jashtzakonshme gjatë gjithë procesit, e në veçanti në finalizimin e tij. Z.Basha ndau të njëjtin vlerësim me z.Brok se një drejtësi me standarde europiane është një hap i rëndësishëm në rrugën e integrimit të vendit në Bashkimin Europian.