UEFA ka nisur tashmë hetimet në lidhje me merkaton e Paris St. Germain, që solli në kryeqytetin francez Mbappe nga Principata e Monakos në formë huazimi me të drejtë blerjeje.
Sipas UEFA, Paris St. Germain dyshimet të ketë shkelur rregullin e “Fair Play”-t financiar.
“Hetimi do të përqëndrohet mbi pajtueshmërinë e barazimit të bilancit, – komunikon organizmi qeverisës i futbollit europian, – veçanërisht pas transferimeve të fundit në këtë merkato verore”.
Një epilog i paevitueshëm ky për ekipin nga “Parc des Princes”, e madje i nevojshëm pas merkatos së frikshme të bërë nga Parisi, që bleu Neymarin nga Barcelona për shumën prej 222 milionë eurosh, ndërsa në ditën e fundit kompletoi edhe huazimin e Mbappe nga Monako, për të paguar vitin e ardhshëm plot 180 milionë euro.
