Kryetari i Partisë Republikane, Fatmir Mediu, gjatë vizitës së tij zyrtare në Washington, është takuar me Pam Pryor këshilltaren e lartë të nënsekretarit të shtetit për sigurinë, demokracinë dhe të drejtat e njeriut, si dhe me Këshilltarin e Lartë në Shtëpinë e Bardhë Mathew D.Mowers.
Mediu theksoi edhe një herë se opozita është e vendosur në rrugën e saj për të garantuar zgjedhje të lira dhe të ndershme.
“Në Shqipëri duhet të vendosin qytetarët me votë të lirë dhe jo krimi e trafiku i drogës”- është shprehur Mediu.
Përfaqësuesit e Shtëpisë së Bardhë dhe Departamentit të Shtetit theksuan se Shtetet e Bashkuara të Amerikës kërkojnë nga Shqipëria që të zhvillojë zgjedhje të lira dhe të ndershme dhe njëkohësisht zgjedhjet duhet të garantojnë pjesëmarrjen e qytetarëve dhe gjithë forcave politike. Krimi i organizuar, trafiku i drogës përbën një rrezik real për demokracinë shqiptare.
