Ish-atletja Alina Kabaeva, e cila spekulohet se është partnerja e Vladimir Putinit prej shumë vitesh, ka sjellë në jetë binjakë.
Daily Mail raporton se i gjithë kati i katërt i dedikuar për personalitetet e rëndësishme në Qendrën Hulumtuese për Obstetrikë, Gjinekologji dhe Perinatologji, “Kulakov”, ishte pastruar në fillim të këtij muaji për të akomoduar Kabaevan, e cila i ka sjellë në jetë dy djemtë.
Lajmin e kanë transmetuar edhe portale ruse në të cilat shkruhet se fëmijët kanë lindur përmes prerjes cezariane në mbrojtje dhe siguri të lartë.
Ende nuk ka asnjë konfirmim nga Kabaeva, fituesja e dikurshme e medaljes së artë olimpike.
