Në vazhdën e investimeve direkte të Serbisë në Kosovë, për të influencuar propaganden serbe, presidenti serb, Aleksandar Vuçiç, përmes njerëzve të tij, së fundmi ka hapur një televizion në Graçanicë, që është pak kilometra larg kryeqytetit të Kosovës, Prishtinës.
Licenca për hapjen e këtij televizioni është dhënë nga Komisioni i Pavarur i Medieve. Televizioni me emrin “TV Gracanica” për pronar ka Sasa Micicin që është njeri i shefit të zyrës për Kosovë në qeverinë e Serbisë, Marko Djuric. Ndërsa, Djuric është ura kryesore komunikuese dhe organizative e presidentit Vuçiçi me serbët e Kosovës.
Kjo media siç mëson Gazeta Metro, është e ngjashme me “TV Most” me bazë në Mitrovicën Veriore, i cili financohet edhe nga Zyra për Kosovë në Qeverinë e Serbisë, e drejtuar nga Djuric.
Si dëshmi është edhe kjo foto, ku Djuric shihet së bashku me drejtoreshën e Radio Gracanica, Sladjana Ivacevic, që ishte hapi i parë, para se të fillohej projekti i televizionit. Ajo, gjithashtu është edhe kushërira e tij.
http://www.gazetaexpress.com/lajme/gazeta-metro-vucic-hap-televizion-ne-kosove-477910/
