“Ergys Kaçe është rritur shumë në aspektin personal dhe i ka kuptuar gabimet që ka bërë në të shkuarën. Për këtë fakt e riktheva në Kombëtare”.
Këto ishin fjalët e ish-trajnerit kuqezi, Xhani De Biazi, përpara ndeshjes me Izraelin.
Deri tani, duket se ka të drejtë sepse mediat greke i kanë thurur elozhe mesfushorit shqiptar duke e quajtur si një nga “blerjet” e reja për sezonin e ardhshëm.
Ai është duke u stërvitur maksimalisht dhe ka marrë gjithçka me seriozitet, duke fituar pikë dhe besimin e trajnerit Stanojeviç.
Me shumë mundësi, mesfushori kuqezi do të jetë titullar në sezonin e ardhshëm, por duhet të vazhdojë me këtë ritëm për të qenë sa më në formë për fillimin e vitit të ri futbollistik.
/Panorama/
