Mediat prestigjioze ndërkombëtare kanë komentuar zgjedhjet parlamentare që po zhvillohen në Shqipëri, ku theksojn faktin se këto zgjedhje janë një test i rëndësishëm drejt rrugës europiane!
Për agjensinë e lajmeve Reuters këto zgjedhje do të jenë gjithashtu një provë e besueshmërisë demokratike të vendit, ku nxitja e reformave gjyqësore është jetike për anëtarësimin e ardhshëm në Bashkimin Europian.
Të njëjtin qëndrim ndan edhe rrjeti mediatik Euronews. E përditshmja franceze Le Monde gjithashtu i vlerëson këto zgjedhje si përcaktuese të marrëdhënieve të ardhshme të Shqipërisë me Bashkimin Europian.
Ndërkohë, agjensitë prestigjioze të lajmeve Associated Press dhe Deutsche Welle e kanë parë këtë fushatë zgjedhore si të përmbajtur.
