Një 22 vjeçar është dënuar me 3.5 vite burgim nga Gjykata në Angli i akuzuar për veprën penale “posedim dhe shpërndarje droge”.
Bëhet fjalë për shtetasin Abdul Çakalli i cili ishte gjithashtu emigrant i paligjshmën në Angli. Ai u kap duke drejtuar një makinë tip ‘Vauxhall Astra’ në Southborough pranë zonës së Mançesterit.
Gjatë kontrollit, 22-vjeçarit shqiptar iu gjetën 42 pako çamçakizash, ku kishte fshehur një sasi droge, të llojit kokainë. Nga hetimet e kryera u zbulua se Çakalli kishte falsifikuar edhe një patentë portugeze me emrin Alfred Santos.
Ai pranoi akuzat dhe tha se kishte shitur drogë për të siguruar para, të cilat do t’i përdorte më pas për operimin e nënës në Shqipëri.
