Plani për një ngjarje kriminale në Shkodër, e dyshuar vrasje, është shkatërruar ditën e sotme nga policia, e cila ka arrestuar një preson gjatë një aksioni si në filma, ndërsa ka vënë nën hetim 2 të tjerë.
Sinjali u dha nga 45 vjeçari që mendonte se ishte shënjestra e këtij plani. Ky i fundit (A.T) banues në Mjedë Shkodër ka kërkur ndihmë në polici duke thënë se e ndjekin prej disa ditësh disa persona të panjohur që lëviznin me një automjet tip “Golf”.
Pas njoftimit, policia ka lokalizuar dhe bllokuar makinën e dyshuar, në fshatin Mjedë përmes një aksioni si në filma. Në këtë makinë qarkullonin tre persona dhe në brendësi të saj policia gjeti dhe sekuestroi tre shkopinj bejsbolli dhe një bidon me 5 litra benzinë.
Gjithashtu, janë vënë nën hetim në gjendje të lirë dy të tjerë Z. V banues në Lezhë dhe E. D, banues në Tiranë, të dyshuar për kryerjen e veprës penale “Prodhimi, mbajtja, blerja apo shitja pa leje e armëve të ftohta”. Ndërkohë vijon puna për zbardhjen edhe dokumentimin e plotë të këtij rasti.
