Me 105 vota pro, Elsa Toska e Fjona Papajorgji janë votuar në Kuvend me shumicë votash si anëtare të Gjykatës Kushtetuese.
“105 vota pro, 2 kundër, 0 abstenim. Nuk kanë votuar 2 deputetë. Elsa Toska shpallet fituese për anëtare të Gjykatës Kushtetuese pas votimit të Kuvendit.” -u shpreh kryeparlamentari në përfundim të procesit të votimit.
Ndërkohë kandidatja tjetër në listë Fjona Papajorgji, u votua me 105 pro, 3 kundër, 8 abstenim, ndërsa 2 deputetë nuk morën pjesë në votim.
Nga ana tjetër Arta Vorpsi është ligjërisht anëtarja më e re e Gjykatës Kushtetuese e emëruar nga KED, por nuk mund të nisë detyrën pa u betuar para Presidentit Ilir Meta, i cili ka pasur përplasje të forta pikërisht për procesin e përzgjedhjes së anëtareve të GJ.Kushtetuese.
