Një 44-vjeçar shqiptar këtë të mërkurë është futur nga selia e policisë Reutlingen në Gjermani në listën e “më të kërkuarve të Europës” nga, pasi akuzohet për përfshirje në organizatë kriminale që vepronte në tregtimin e drogave të rënda.
Sipas policisë kriminale të rajonit Baden-Württemberg, Berti Dedja i njohur me nofkat “Berti” dhe “Schakal” është zyrtarisht në kërkim ndërkombëtar dhe hetuesit kanë dyshime se ai mund të jetë fshehur në Belgjikë, Holandë, Itali ose Shqipëri.
Sipas të dhënave në faqen e “EUmostwnated”, Dedja prej vitit 2016, ka ushtruar një tregti profesionale të paligjshme droge, duke lëvizur kokainë dhe marihuanë nëpërmjet organizatës ku bëjnë pjesë edhe disa anëtarë të tjerë.
Ndër të tjera, 44-vjeçari akuzohet edhe për transport dhe shitje droge në rrethin Ostalb. Ndërkohë, prokuroria publike në Ellwangen është përgjegjëse kryesore për hetimin e çështjes “Dedja”.
