Është mbyllur votimi për shkarkimin e Lulzim Bashës nga posti i PD.
Rreth 5000 delegatë kanë qenë të pranishëm që prej orëve të para të mëngjesit në ambientet e stadiumit Air Albania.
Rreth orës 12:00 nisi hapja e votimit, ku delegatët në bazë të qarkut të tyre iu drejtuan kutive të votimit për të shprehur vullnetin e tyre për shkarkimin e Lulzim Bashës.
Votimi u zhvillua i fshehtë, ndërsa pyetja e fletës së votimit ishte: A jeni dakord me shkarkimin e kryetarit të PD Lulzim Basha? Delegatët kishin dy opsione në dispozicion: Po (jam dakord me shkarkimin) dhe Jo (nuk jam dakord me shkarkimin).
Pas përfundimit të votimit ka nisur edhe procesi i numërimit. Flamur Noka është i pranishëm në degën e Tiranës ku po monitoron nga afër procesin.
