Mbyllet për vizitorët kulla Eiffel në kryeqytetin francez pasi një person është ngjitur në strukturën metalike të saj.
Skuadra e zjarrfikësve, së bashku me një specialist për ngjitje kanë ndërhyrë menjëherë dhe kanë bërë të mundur uljen poshtë të vizitorit.
Ngjarja ka ndodhur mesditën e së hënës, por nuk dihet në çfarë lartësie ishte personi dhe cilat ishin motivet që e bënë të ngjitej në strukturën atraktive për turistët.
Zyrtarët nuk kanë dhënë ende asnjë informacion për rihapjen e Kullës Eiffel.
