Ka përfunduar sfida mes Bylisit e Teutës, e vlefshme për javën e 29-të të Abissnet Superiore.
Ballshiotët dhe Durrsakët u ndanë, në barazim dy me dy, në një duel, të luajtur në stadiumin Adush Muça, që nuk i kurseu emocionet e spektaklin si dhe lojën e ashpër.
Që në 20 minutat e para të takimit tifozët mundën të shijonin golin e parë, me Santos që lumturoi pa masë tifozët e Bylis me golin e tij.
Megjithatë, në minutën e 37’, miqtë nga qyteti bregdetar i Durrësit barazuan me anë të Lorenco Vila, i cili goditi saktë me kokë duke mos i dhënë asnjë shans portierit kundërshtar.
Me rezultatin një me një, përfunduan 45 minutat e para të sfidës.
Në pjesën e dytë, “muzika” nuk ndryshoi me të dy ekipet që kërkonin të fitoren.
Në të 58’ minutë, Lorenco Vila realizoi përsëri nga brenda zonës me një të djathtë kirurgjikale, duke e dërguar Teutën në avantazh.
Avantazhi durrsak nuk zgjati shumë sepse në minutën e 71’, Bylis barazoi rezultatin me anë të brazilianit Santos me një goditje spektakolare, i ndihmuar pak edhe nga një grushtim joefikas i topit prej portierit të Teutës, Qirko.
Pas supergolit të Santos, pati kohë vetëm për disa kartona të verdhë për ndërhyrje të ashpra, me të dy skuadrat që u ndanë në barazim dy me dy.
Me këtë barazim, Teuta shkon në vendin e shtatë me 35 pikë ndërsa Bylis mbetet i parafundit me 30 pikë por me një ndeshje më pak (përballë Kastriotit). /m.b. /gijotina.com
The post Mbyllet në “paqe” dueli Bylis-Teuta appeared first on 27.
