Universitetet shpallin listat paraprake të fituesve të raundit të dytë. Pritet të mbeten sërish shumë vende bosh për ata të cilët ende nuk janë fitues në asnjërën nga degët e përzgjedhura. Në datën 12 tetor shpallen listat përfundimtare të fituesve.
Regjistrimit i fituesve të fazës së dytë do të bëhet nga data 13-16 tetor dhe deri atëherë maturantët mund të orientohen për kuotat që vijojnë të mbeten bosh.
Për t’u ardhur në ndihmë maturantëve, Ministria e Arsimit ka gati një “software” ku ata nëpërmjet ID-së së tyre do të mund të futen për t’u orientuar për vendet bosh që krijohen.
“Për kandidatët të cilat i rezultojnë të gjitha zgjedhjet e kuqe, ata nuk duhet të preukopohen pasi edhe pse deri në fund të raundit të dytë mund të mos ju rezultojë asnjë degë e verdhë, në fillim të fazës tjetër do të kenë mundësinë të jenë fitues që në fillim të fazës “,u shpreh Linda Pustina nga Drejtoria e Arsimit të Lartë dhe Shkencor.
