Një zjarr ka shpërthyer ditën e sotme në një traget me 134 pasagjerë në brigjet e Filipineve. Lidhur me ngjarjen e rëndë bëhet me dije se të paktën shtatë persona, pesë gra dhe dy burra janë gjetur të vdekur.
Ndërsa, nga ana tjetër raportohet se 7 pasagjerë të tjerë rezultojnë të zhdukur, trupat e tyre nuk janë gjetur ende nga ekipet dhe forcat e kërkim shpëtimit.
Gjithashtu, 120 persona të tjerë, përfshirë anëtarët e ekuipazhit i shpëtuan flakëve të zjarrit.
Zjarri shpërtheu në Mercraft 2 ndërsa po udhëtonte nga Poligio Island për në qytetin port të Real, në provincën e Quezon, në ishullin Luzon, rreth 60 km në lindje të kryeqytetit, sipas një zëdhënësi të Rojës Bregdetare.
In the Philippines there was a fire on the passenger ship Mercraft 2. At least seven people died, there were 142 people on board, 105 people rescued – CNN Philippines. pic.twitter.com/xytjqAvi8A
— Captain Singh, FICArb, 73K (@captsingh) May 23, 2022
