Kryetari i Bashkisë së Tiranës, Erion Veliaj deklaroi sot se në kuadër të masave për pastrimin e qytetit, nga data 2 prill qeset plastike do t’u jepen konsumatorëve kundrejt një pagese prej 3-5 lekësh.
Nga Pazari i Ri ku ishte i pranishëm Velaj firmosi një marrëveshje me drejtues të disa supermarketeve në Tiranë për t’i dhënë me lekë komsumatorëve qeset plastike.
Kjo nisëm sipas kryebashkiakut Veliaj është që komsumatorët të ndërgjegjesohen dhe mos të përdorim më qeset plastike, por të përdorin trasta dhe çanta shumë përdorimshme që në mënyrë të tillë ambienti të mos ndotet.
“Duke nisur nga data 2 prill, në supermarketet kryesore të vendit, qeset do të kushtojnë 3 lekë të voglat dhe 5 lekë të mëdhatë. Kjo në mënyrë që të përdorim trastat ose çantat që kemi marrë nga shtëpia. Duhen vendime të rëndësishme që të kemi ajër më të pastër. Kemi 100 ton qese çdo muaj që përdoren. Sado të pashtrojë bashkia, janë të mjaftueshme të bllokojnë kanalizimet dhe të bukosin qytetin. Një qese do qindra vite që të shpërbëhet”, tha Veliaj.
