Një prift në Itali akuzohet se ka fyer besimtarët me meshën e pazakontë që mbajti pak orë më parë në qytetin e Krotones, në Itali.
Prifti ka vendosur të “braktisë” ambientet e Kishës dhe të zhvillojë meshën e së dielës nën ujin e detit Jon, të bregdetit kalabrez. Prifti Mattia Bernasconi nga Milano që ndodhej në Krotone së bashku me një grup të rinjsh vullnetarë që punojnë me shoqatën që menaxhon pronat e konfiskuara nga mafia, ka mbajtur meshën e shenjtë në bregdetin e Krotones e nën ujin e kristaltë të plazhit të Alfierit.
Altar i ka shërbyer një dyshek deti.
Video e cila ka bërë xhiron e rrjeteve sociale është marrë në dorëzim dhe nga autoritetet policore e ka çuar Prokurorinë e Krotones në denoncimin e priftit Mattia Bernasconi për fyerje të rrëfimit fetar.
“Temperaturat e larta e asnjë penë rreth e qark për t’u mbrojtur nga dielli më shtynë të merrja vendimin e mbajtjes së meshës së shenjtë të së dielës në det”, është mbrojtja e Priftit i cili shton se “nuk ka dashur të banalizoj ritin fetar e as mesazhet e fjalët e Zotit gjatë meshës.”
Ky akt nuk i ka pëlqyer as Kurisë së Krotones e cila ka theksuar se mesha e së dielës, ka një gjuhë e sjelle të veçantë që duhet vlerësuar e nuk duhet të jetë sipërfaqësore.
“Duhet vëmendje në ritualin e simbolet që ajo kërkon!”.
