Deputetët e Kuvendit të Shqipërisë do të mblidhen ditën e sotme për të diskutuar një sërë çështjes të rëndësishme. Seanca plenare është parashikuar të nisë në orën 10:00.
Sipas rendit të ditës, pritet që deputetët të diskutojnë ndër të tjera për “Për zgjedhjen e një anëtari në Këshillin e Lartë të Prokurorisë nga trupa e pedagogëve dhe Shkolla e Magjistraturës” dhe të votojnë për “Për zgjedhjen e z.Edmond Tullumani anëtar të Këshillit Drejtues të Radiotelevizionit Shqiptar”.
RENDI I DITËS
- Miratimi i procesverbalit të seancës plenare të datës 15.9.2022. (Neni 44, pika 2 e Rregullores)
- Njoftime.(Neni 44, pika 3 e Rregullores)
- Projektligj “Për aderimin e Republikës së Shqipërisë në Konventën mbi Organizatën Ndërkombëtare për ndihmat detare në lundrim”. (Nenet 78, 83, pika 1 dhe të nenit 121 të Kushtetutës, nenet 55 dhe 73-77 të Rregullores, shumicë e cilësuar votash për miratim: absolute) Pyetje Shprehet nismëtari Shprehet Komisioni përgjegjës për Çështjet Ligjore, Administratën Publike dhe të Drejtat e Njeriut Dhënie mendimi Komisioni për Sigurinë Kombëtare Dhënie mendimi Komisioni për Veprimtaritë Prodhuese, Tregtinë dhe Mjedisin
Dhënie mendimi Komisioni për Ekonominë dhe Financat Dhënie mendimi Komisioni për Politikën e Jashtme Diskutime (Shprehen grupet parlamentare) Koha e votimit - Projektvendim “Për zgjedhjen e një anëtari në Këshillin e Lartë të Prokurorisë nga trupa e pedagogëve dhe Shkolla e Magjistraturës”. (Neni 147, pika 8 të Kushtetutës, ligji nr. 115/2016 “Për organet e qeverisjes së sistemit të drejtësisë”, neni 111 Rregullore Kuvendi, votim i fshehtë, shumicë e cilësuar votash për miratim: 2/3 e të gjithë anëtarëve të Kuvendit) Koha e votimit
- Projektvendim “Për emërimin e një anëtari të Bordit të Entit Rregullator të Energjisë Elektrike”. (Neni 11 i ligjit nr. 43/2015, “Për sektorin e energjisë elektrike”, i ndryshuar dhe neni 111 i Rregullores, shumicë e thjeshtë votash për miratim, votim i fshehtë) Koha e votimit
- Projektvendim “Për zgjedhjen e z.Edmond Tullumani anëtar të Këshillit Drejtues të Radiotelevizionit Shqiptar”. (Neni 78 i Kushtetutës, ligjit 97/2013 “Për mediat audiovizive në RSH”, i ndryshuar””, nenet 55, 60 dhe 111 Rregullore Kuvendi, shumicë e thjeshtë votash për miratim, votim i fshehtë) Koha e votimit
- Projektvendim “Për disa shtesa dhe ndryshime në vendimin e Kuvendit nr.67/2020 “Për miratimin e strukturës, organikës dhe klasifikimit të pagave të personelit me kohë të plotë pune të Komisionit Qendror të Zgjedhjeve”. (Ligji 10.019, datë 28.12.2008 “Kodi zgjedhor i Republikës së Shqipërisë” të ndryshuar” dhe nenet 55 dhe 73-77 të Rregullores, shumicë e thjeshtë votash për miratim) Koha e votimit
- Projektvendim “Për miratimin e strukturës, organikës dhe klasifikimit të pagave të personelit me kohë jo të plotë pune, që rekrutohet për periudhën zgjedhore, të Komisionit Qendror të Zgjedhjeve”. (Ligji 10.019, datë 28.12.2008 “Kodi zgjedhor i Republikës së Shqipërisë” të ndryshuar” dhe nenet 55 dhe 73-77 të Rregullores, shumicë e thjeshtë votash për miratim) Koha e votimit
- Projektvendim “Për miratimin e strukturës, organikës dhe klasifikimit të pagave të personelit me kohë jo të plotë pune, që rekrutohet për përpunimin e materialeve zgjedhore, të Komisionit Qendror të Zgjedhjeve”.
(Ligji 10.019, datë 28.12.2008 “Kodi zgjedhor i Republikës së Shqipërisë” të ndryshuar” dhe nenet 55 dhe 73-77 të Rregullores, shumicë e thjeshtë votash për miratim) Koha e votimit - Diskutime për çështje jashtë rendit të ditës (60’).
