Komisioni Qendror i Zgjedhjeve është mbledhur këtë të premte, për të diskutuar mbi “fatin” e kryebashkiakut të Vorës, Agim Kajmaku.
Kajmaku u akuzua nga Partia Demokratike se ishte arrestuar në Greqi, nën emrin Jorgo Toto, për veprën penale të falsifikimit të parave.
Prokuroria e Përgjithshme pasi bëri verifikimin e shenjave të gishtërinjve të Kajmakut dhe shenjat e gishtërinjve të shtetasit Jorgo Toto, të arrestuar në Greqi, rezultoi se ishte i njëjti person.
Pas konfirmimit nga Prokuroria, Kajmaku publikoi vendimin e Gjykatës së Janinës, që e shpallte atë të pafajshëm, duke thënë se nuk e ka ditur për dënimin në vendin fqinj.
