Mungesa e kryeministrit Edi Rama, nuk e ka penguar PS që të vijojë aktivitetin e saj normal. Grupi parlamentar i Partisë Socialiste ka nisur mbledhjen brenda selisë rozë dhe në mungesë të Ramës, është Taulant Balla që po drejton tryezën e takimit me deputetët socialistë.
Sipas burimeve, mësohet se pjesë e diskutimeve priten të jenë “Këshillimi Kombëtar” dhe zgjedhjet e pjesshme lokale të 6 marsit.
Kryeministri Rama ndodhet në Shtetet e Bashkuara të Amerikës, në një vizitë 4 ditore. Rama do të ketë një takim me sekretarin amerikan të shtetit Anthony Blinken pas lajmit se Shqipëria do të jetë bashkëhartuese e qëndrimeve për çështjen e Ukrainës, në Këshillin e Sigurimit të Kombeve të Bashkuara.
