Kuvendi ka rrëzuar sërish dekretet e presidentit Ilir Meta me shumicë votash në Parlament.
U rrëzuan “Ligji për Rininë” si dhe ligji për “Korporatën e Investimeve”.
Në vlerësimin e Presidentit “Ligji për Rininë”, binte në kundërshtim me parimet kushtetuese, aktet ndërkombëtare të ratifikuara nga Republika e Shqipërisë.
Ndërsa për sa i përket kthimit të ligjit për “Korporatën e Investimeve”, Meta argumentonte se pasi duhet që të rishikohet përbërja dhe funksionet e organeve drejtuese.
“Qëllimi real i këshillit të ministrave nuk ka qëne vetëm krijimi i korporatës por trajtimi i kësaj shoqërie me legjislacion të veçantë. Rrezikohet që nëse aksioneri që është në mazhorancë të marrë vendime me pronat shtetërore pamarrë në konsideratë interesin publik. Rrezikohet që zhvillimi i projektit të favorizojë privatin dhe jo interesin publik”, thuhet mes të tjerave në deklaratën e presidencës.
