Eduart Shalsi, i ftuar në emisionin “Mirëmëngjes Shqipëri”, të gazetarit Enkel Demi në RTSH është shprehur se propaganda e të painformuarve mbi ligjin e mbetjeve krijoi dyshim e mosbesin në opinionin publik.
Ai tha se opinini publik u bombardua me helm, pa ditur fare se çfarë ishte duke u bërë.
“A thua se ne kishim ardhur nga kushedi ç’vend i mbrapshtë i botës dhe donim ta bënim Shqipërinë një kazan mbetjesh. Jo, Shqipëria do pastruar dhe nuk pastrohet me fjalë”, u shpreh ai.
Shalsi theksoi se në debate të tilla duhet të përfshihen specialistët e vërtetë dhe jo gjithologët mediatikë që flasin për çdo temë.
“Të gjithë ishin dakord me ligjin në fillim dhe krejt papritmas ndryshuan qëndrim. Të ashtuquajturit specialistë që flasin për gjithçka krijuan këtë situatë, këtu tek ne gjithkush flet për gjithçka. Në rastin e mbetjeve që është çështje shumë delikate, Shqipëria ka vite që dështon dhe shqetësimi i njerëzve është i duhur, por debati është në nivel specialistësh. Nuk duhet manipuluar opinioni publik”, tha ai.
https://youtu.be/flHBCUIlSuU?list=PL0XoaVRW0j7APjJx1pJTjEwx1RaT-JWof
