Mijëra njerëz, mbështetës të republikanit Donald Trump, kanë mbushur rrugët e Amerikës të armatosur për të protestuar rezultatin e zgjedhjeve presidenciale.
Pa maska, me antiplumb dhe me armë në duar, grumbullime të mëdha njerëzish me pankarta MAGA në shtetet e Arizonas, Miçiganit, Xhorxhias, Dakota e Veriut dhe Pensilvani shpreheshin se Joe Biden dhe mediat amerikane po kryenin konspiracion për t’u futur në Shtëpinë e Bardhë.
Gjithashtu, pati edhe përplasje midis protestueve dhe mbështetësve të demokratit të cilët kishin dalë për të festuar. Policia ndërhyri menjëherë për të parandaluar ndonjë acarim të mëtejshëm të situatës.
Deri në marrjen e vendimit përfundimtar, republikanët kanë paralajmëruar protesta në të gjithë vendin.
