Mbërrin në Tiranë, Ronela Hajati bën paralajmërimin e papritur: Është koha që …

0
48

Pas rreth një muaji qëndrimi në Itali, Ronela Hajati është rikthyer në Tiranë. Pas përfundimit të Eurovisionit dhe pse nuk arriti të kualifikohej për në finale, këngëtarja qëndroi ende duke zhvilluar koncerte nga më të ndryshmet për fansat e saj të huaj.

Ronela e bëri të ditur rikthimin e saj nëpërmjet një postimi në rrjetin e saj social Instagram dhe mesa duket nuk ishte shumë e lumtur për këtë gjë. Madje ajo zbuloi se ka qarë shumë.

Sipas këngëtares tashmë ka ardhur koha që të sjellë sërish projekte të reja muzikore  dhe nuk ka kohë për të pushuar.

“Nuk e keni idenë sesa shumë kam qarë kur mbërrita në Tiranë. Gjithsesi kemi tre jave që vetëm qajmë nga emocionet dhe tani mori fund! Kam marrë shumë dashuri nga shtete dhe njerëz që i ëndërroja! Tani rikthehemi sërish tek vajza e keqe. Kam shumë projekte për të mbaruar dhe nuk kam më kohë për të pushuar. Ju dua të gjithëve”.

Ndonëse “Eurovision” ka përfunduar, diskutimet rreth performancës së saj vijojnë. Mbrëmjen e djeshme në emisionin “Opinion” një panel të ftuarish po diskutonin rreth përfaqësimit të saj në Festivalin Europian, duke shprehur mendimet e tyre pozitive dhe negative. Ky diskutim nuk i ka shpëtuar as Ronelës e cila pas programit ka bërë një status në Instagram.

Këngëtarja nuk ka etiketuar publikisht asnjë person por shkruan: “Paskeni qenë të vdekur për tu kapur me mua. Opinionistë të kalbur siç e keni mendjen dhe shpirtin… Turp!”

Kujtojmë se këngëtarja publikoi një foto nga një studio muzikore në Instagram. Bashkë me të ishin dhe përfaqësuesit e Austrisë, LumiX dhe Australisë, Sheldon Riley. “Koha e studios”, shkroi Ronela krahas fotos.