Ish-kryeministri Sali Berisha ka bërë një deklaratë të shkurtër për mediat, pas mbledhjes që zhvilloi me anëtarët e Komisionit të Rithemelimit në zyrën e selisë së Partisë Demokratike.
Berisha u shpreh se çdo gjë do të normalizohet dhe se do të ketë vendimmarrje të reja. Ai gjithashtu tha se edhe sot janë marrë vendime për organizimin që kanë të bëjnë me strukturat e PD-së.
“Pa diskutim, do normalizohet çdo gjë. Vendimmarrje të reja, është një proces që po ecën mirë. Edhe sot janë marrë vendime për organizimin që kanë të bëjnë me strukturat e PD-së” – th Berisha.
