Business Insider deklaron fitoren e Joe Biden në zgjedhjet presidenciale të 2020-ës në SHBA.
“Mbaroi, fiton Biden”, kështu shkruhet në faqen e parë të gazetës amerikane, pas vendimit të partnerëve të tyre “DecisionDesk”.
Sipas “Business Insider”, Biden projektohet të fitojë zgjedhjet, pasi arriti të përmbysë rezultatin në Pensilvani dhe ka tashmë 273 vota të Kolegjit Elektoral.
“MBAROI: Biden mposht Trump ndërsa votuesit amerikanë ndërmarrin hapin e rrallë për të hequr një president në detyrë”, shkruan “BI”.
Kujtojmë se Associated Press, Fox News dhe agjenci të tjera mediatike nuk e kanë shpallur ende fitoren e Biden.
Në disa televizione dhe uebfaqe amerikane rezultati është i ndryshëm, dhe kjo për shkak se vetëm AP dhe Fox News vendosën ta quajnë shtetin e Arizonës të fituar nga Biden. Mediat e tjera nuk kanë zgjedhur ta bëjnë një gjë të tillë.
Vendimi për të shpallur fitoren e Biden në Arizona nga Fox News ka sjellë edhe përplasjen e zyrtarëve të fushatës së Trump me manjatin mediatik Rupert Murdoch.
