Mbrojtësi i Kombëtarës shqiptare merr pjesë në ceremoninë e faljes së Bajramit në bulevardin “Dëshmorët e Kombit”
Ka zgjedhur fjalët e atë Gjergj Fishtës për të uruar besimtarët myslimanë. Është mesazhi i mbrojtësit të Kombëtares, Mërgim Mavraj, një emër shumë i dashur për shqiptarët. Mërgim Mavraj ishte sot në bulevardin “Dëshmorët e Kombit” ku mori pjesë në faljen e Bajramit bashkë me qytetarë besimtarë nga Tirana.
“Vërtetë ne kemi Bajram e Pashkë, por Shqiptarinë e kemi bashkë”! ishte mesazhi i tij në facebook. Këto vargje ishin brenda një fotografie me simbolin e shqiptarëve, shqiponjën dykrenare bashkë me urimin për të gjithë shqiptarët: “Nga bulevardi “Dëshmorët e Kombit”, nga thellësia e zemrës i uroj gjithë shqiptarëve nga Çamëria në Preshevë edhe kudo që ndodheni :)) Përhajr Bajramin/ Gëzuar Bajramin!”
