Gjykata e Posaçme ka dhënë masat për të arrestuarit lidhur me mashtrimet në “Call Centera”.
Ndaj Adrian Korriku, GJKKO caktoi masën e arrestit me burg, ndërsa për Iris Pucën u vendos masa e arrestit shtëpiak.
Lexo edhe: “Shumë para, pak investim”, si u mashtruan europianët nga Call Centerat në Shqipëri
Edhe pse operacioni u ndërmor në bashkëpunim me Eurojust, ku u kontrolluan 15 “Call Center-a”, 6 prej të cilave në Shqipëri, 5 në Gjeorgji, 3 në Ukrainë dhe 1 Maqedoninë e Veriut, në pranga përfunduan vetëm 4 persona.
Me qëllim ekstradimi u arrestuan edhe Bernardo Saraçaj e Erindi Pysqyl.
Sipas SPAK këto persona shkaktonin një dëm prej gati 50 mln euro në tre muaj qytetareve spanjollë që mashtronin. Por, pavarësisht operacionit të gjerë ku u përfshi dhe strukturat e huaja, sërish nuk u sekuestrua asnjë shumë parash.
