Të paktën 29 të burgosur kanë humbur jetën pas përplasjeve në një burg brenda një stacioni policor venezuelian.
Shefi i sigurimit publik për shtetin Portuguesa, Oscar Valero njoftoi se të paktën 19 oficerë policie u plagosën.
Mësohet se dhuna filloi kur forcat speciale të policisë (FAES) u përpoqën të shpëtonin vizitorët të cilët ishin marrë peng nga të burgosurit të enjten.
Valero u tha gazetarëve se oficerët e policisë ishin përballur me “një breshëri zjarri” dhe se të burgosurit shpërthyen granata në përplasjen e së premtes.
“Të paraburgosurit kishin armë, ata qëlluan në polici, me sa duket ata shpërthyen dy granata”.
Megjithatë, Humberto Prado nga grupi i të drejtave të Observatorëve të Burgjeve të Venezuelës tha se përplasjet shpërthyen kur autoritetet hynë në bllok për të kryer kërkime dhe për të larguar vizitorët femra.
