Marsela Çaushaj, gruaja që u dhunua në mes të Vlorës nga ish-burri i saj, ka folur pas publikimit të videoskandalit.
Në një intervistë për News24, ajo ka rrëfyer se kjo nuk është hera e parë që është dhunuar në publik dhe se kishte kërkuar tre herë urdhër-mbrojtje.
Marsela Çaushaj: “Sot do të filloja punë për të mbajtur një të moshuar. Ish-bashkëshorti më ndoqi dhe më dhunoi. Ai më kërcënoi, duke më thënë se nuk do të filloja punë. Është hera e dytë që më dhunon në publik. E kam kallëzuar dy herë në polici. Kam kërkuar tre herë urdhër mbrojtje. Ish-bashkëshorti më goditi në kokë dhe në brinjë. Kam tre fëmijë dhe marr një asistencë prej 40 mijë lekë të vjetra. Doja të kërkoja punë për të mbajtur fëmijët”.
