Pika e tretë e marrëveshjes Kosovë-Serbi thotë: “Për më tepër, të dy palët do të angazhohen të gjejnë zgjidhje të përbashkët për opsionet për lidhjen e infrastrukturës hekurudhore Beograd-Prishtinë, me një port të detit të thellë në Adriatik”.
Kjo pikë garanton daljen në det të Serbisë, aq shumë të kërkuar historikisht. Vetëm për këtë qëllim janë bërë luftra ballkanike, të cilat serbët e fitojnë kësaj here me një lobim të thjeshtë.
Kur ishte në pushtet kryeministri Berisha vinte në dispozicion të shtetit të Kosovës Portin e Shëngjinit. Nëse, kjo vendimarrje do përdoret për të nxjerrë Serbinë në det, duhet parë roli i Shqipërisë në këtë marrëveshje.
Edi Rama e kishte në plan të firmoste dikur në Uashington. A është dalja në Adriatik që qeveria e tij ka marrë përsipër? Sepse, Kosova nuk ka dalje tjetër në det, përveçse me Shqipërinë.
Por kjo pikë e tretë e quan punë të mbyllur.
Çdo gjë mbetet për t’u parë, pasi mjeshtrave shqiptarë të politikës t’i dalin avujt e shampanjës që gëlltitën për të arritur këtë “sukses”, i cili e vë edhe keq Kosovën në varësi të Serbisë edhe falë kësaj pike: “Të dy palët do të bien dakord të punojnë me Departamentin e Energjisë të SH.B.A’së dhe subjekteve të tjera të Qeverisë së SH.B.A.-së, për të gjetur zgjidhje dhe fizibilitet për qëllimin e ndarjes së Liqenit Gazivode / Ujmani, si një furnizim i besueshëm i ujit dhe energjisë”.
Marrëveshja e plotë Kosovë – Serbi:
https://www.gazetaexpress.com/ekskluzive-ky-eshte-teksti-i-plote-marreveshjes-kosove-serbi-nenshkruar-ne-shtepine-e-bardhe-express-ge/
