Partia Drejtësi Integrim dhe Unitet (PDIU) përshëndet marrëveshjen e partive politike shqiptare në Maqedoni.
PDIU kërkon që të zbatohet marrëveshja e Ohrit, pasi 10 vite nga nënshkrimi i kësaj marrëveshje, ajo nuk po zbatohet.
Deklarata e plotë e PDIU:
PDIU përshëndet platformën e përbashkët politike të partive shqiptare në Maqedoni. Dhjetë vjet pas marrëveshjes së Ohrit, kushtet kryesore të saj nuk janë zbatuar ende. Zyrtarizmi i shqipes në mbarë Maqedoninë, trajtimi i shqiptarëve si popullsi shtetformuese, e reflektuar në përfaqësim në pozicionet më të larta të shtetit, simbolet shtetërore dhe ndarjen e buxhetit duhet të jetë thelbi i qeverisjes së ardhshme maqedonase, ku partitë shqiptare janë faktor kyç. Bashkimi i faktorit shqiptar është hap vendimtar në këtë drejtim dhe duhet të qëndrojë me vijat e kuqe të deklaruara gjatë negociatave për qeverinë e re.
