Karriera e Mario Balotelit po shkon keq e më keq.
Për këtë arsye, ekipi që ka kartonin e tij, Liverpuli, kërkon ta shesë atë në Kinë.
Aktualisht Baloteli është huazuar tek Milani, por sulmuesi italian nuk ka bindur me paraqitjet e tij, madje në ndeshjen e fundit trajneri Mihajloviç shpërtheu në fushë kundër tij, për shkak se nuk vraponte.
Për këtë arsye, me shumë gjasa Milani nuk do ta blejë atë në fund të sezonit.
Dhe, Liverpuli, trajneri i të cilit, Jurgen Klop, nuk e ka në planet e tij Balotelin, kërkon që të gjejë një destinacion për Balotelin, që e bleu për 20 milion euro pikërisht nga Milani.
Për momentin Balotelin nuk e kërkon asnjë ekip i rëndësishëm në Europë dhe e vetmja shpresë për Liverpulin, është që ta shesë në Kinë.
Vetëm pritet të shihet nëse Baloteli do e pranojë këtë hipotezë, pasi një transferim i tillë do të thoshte mbyllje e karrierës në nivelet e larta për të, në një moshë të re.
