Napoli ka vlerësuar legjenden Maradona me titullin “Qytetar nderi”.
Ndërsa të gjithë emrat e rëndësishëm të futbollit dhe adhuruesit e Maradonës ishin mbledhur në Napoli për ceremoninë, në sy ka rënë mungesa e Korrado Ferlainos.
Ish-presidenti i Napolit bleu Maradonën dhe u kujdes për hapat e parë të tij në këtë skuadër, por mesa duke ai s’e ka cilësuar këtë avent si më të rëndësishmin e ditës.
“Nuk do të jem në shesh, jam në barkë me disa miq në Shqipëri, në Vlorë. Do të kisha shkuar në një datë tjetër, por i cilësoj të shenjta pushimet e mia”, është shprehur Ferlaino për mediat italiane, të cilat ngritën dyshimin se mund të mos ishte ftuar pasi vitet e fundit ka qenë disa herë nën hetim për evazion fiskal.
