Nga Arben Llalla
Prej disa ditësh kryeministri Rama çirret e bërtet për librat falas deri në klasën e pestë.
Kjo nuk është ndonjë ndihmë apo diçka e parealizueshme, por detyrim i BE-së që udhëzon çdo vend përpara se të anëtarësohet në gjirin e saj duhet të plotësojë disa kushte; njëri ndër ta edhe librat falas për nxënësit e shkollave fillore dhe të mesme, laptop falas për të gjithë mësuesit, si dhe transporti falas për nxënësit.
Republika e Maqedonisë ka që nga viti 2006 që librat ua jep falas nxënësve të shkollave fillore e të mesme, transport falas si dhe u ka dhënë të gjithë mësuesve të shkollave fillore dhe të mesme laptop.
Pra, një shtet si Maqedonia me një ekonomi dhe politikë të brishtë realizon këto gjëra, atëherë Shqipëria me gjithë atë fuqi ekonomike, turizëm, e më the të thashë, përse nuk mundet?
