Maqedonia e Veriut regjistron 13 të infektuar dhe asnjë rast vdekjeje nga Covid-19 në 24 orë
Në 24 orët e fundit, në Maqedoninë e Veriut janë regjistruar 13 raste të reja me koronavirus nga 2,952 teste të kryera. Ministria e Shëndetësisë në vend njoftoi se brenda ditës nuk pati asnjë humbje jete.
Rastet e reja u regjistruan në Shkup dhe Tetovë nga 3, Ohri dhe Kërçova nga 2, Kumanova, Prilepi dhe Strumica nga 1. Po ashtu, Instituti për Shëndet Publik sot ka regjistruar 31 pacientë të shëruar nga koronavirusi.
Numri i përgjithshëm i personave të diagnostikuar me COVID-19 në vend që nga fillimi i epidemisë është 155.640, numri i pacientëve të shëruar është 149.908, numri i të vdekurve është 5.477.
Raste aktive në vend janë 255.
