Nga Enver Robelli
Në një shtet ku mijëra qytetarë moti nuk jetojnë aty, por kanë mbetur të regjistruar si votues, kuorumi prej 50 për qind nuk ka asnjë kuptim. Po ashtu për aq kohe sa mijëra të vdekur vazhdojnë të “jetojnë” në regjistra, kuota 50 për qind është vështirë e arritshme.
Maqedonia pati shansin që me ndryshimin e emrit t‘i japë hov pak edhe Ballkanit drejt integrimeve europiane. Dështoi për shkak të indiferencës së votuesve, mendjemadhësisë, inatit të famshëm ballkanik. Pra, për këtë dështim nuk duhet të fajësohet as Rusia, as Serbia. Dështimi është i qytetarëve të Maqedonisë.
Është edhe dështim i BE-së, shenjë e qartë se udhëheqës të BE-së si Mogherini e Hahn e kanë humbur në mënyrë rapide autoritetin në Ballkan. E vetmja gjë pozitive: ata që kanë dalë në referendum mbi 90 për qind kanë votuar për ndryshimin e emrit. Ky është një mandat i qartë për kryeministrin Zaev që këtë çështje ta kaloje në parlament. Nganjëherë demokracia direkte nuk është me efektive se demokracia reprezentative.
