Ministri i Drejtësisë në analizën vjetore të Gjykatës së Apelit, flet për korrupsionin
Ministri i Drejtësisë Ylli Manjani në analizën vjetrore të Gjykatës së Apelit tha se rroga e gjyqtarit, sipas tij duhet të jetë më e madhe se rroga e presidentit të Republikës së Shqipërisë. Sipas tij, mjafton edhe një lek më shumë, pasi gjyqtari qëndron sipër të gjithëve.
Manjani kishte edhe një shqetësim tjetër atë të kredive të këqija. Sipas Manjanit vendimet e gjykatave kanë shkaktuar ngërç me përmbarimin. “Shumë shpejt do t’i propozojë qeverisë një paketë ligjore, i cili përforcon rolin e përmbaruesit, pasi mesazhi është ky: kush ka marrë kredi duhet ta kthejë pas, kokërr më kokërr. Vërtet marrëveshja është private, por interesi është publik. Nuk kemi ndërmend të cedojmë, sepse mund të ketë pasoja më vonë. Çështja e kredive të këqija duhet adresuar me përparësi. Si çdo titull ekzekutiv tjetër, duhet zbatuar. Ftesa ime është: ju lutem të lejojmë përmbarimin të zbatojë vendimet. Nuk mbrohet debitori duke i thënë mos paguaj kredinë!”, tha Manjani në analizën vjetore të Gjykatës së Apelit.
