Ish-ministri i drejtësisë Ylli Manjani ka komentuar takimin që Rama do të zhvillojë me kancelaren Merkel, në samitin e Berlinit që do të zhvillohet ditën e sotme.
Me anë të një statusi në facebook, Manjani thumbon mediat shqiptare, ku sipas tij janë bërë palë me propagandën e Ramës dhe se nuk po kryejnë si duhet punën e tyre, sepse nëse do ishte kështu raportimet do të ishin ndryshe.
Statusi i plotë i Manjanit:
“Rama do takohet me Merkel”- është lajmi i ditës.
Kaq propogandohet me të madhe nga media qeveritare. Askush nuk e zgjat më shumë se çfarë pritet të diskutohet në takim…
Nuk ja mban askujt!
Nuk pritet që udhëheqësi jonë të dëgjojë gjëra të mira aty. Se po të pritej, ehuuuuu ç’do bënin mediat sot!
Do na kishin bërë anëtarë themelues të Bashkimit Europian.
Nga ana tjetër as Kryeministri jonë nuk ka më ç’të thotë. E kam fjalën për gjëra me sens, se broçkulla pa dyshim mund të thotê…
Ndoshta mund të raportojë se si përzuri me “sukses” të plotë çdo investim gjerman në Shqipëri!!!
Mund të raportojë se si edhe gjermanin e fundit, drejtorin gjerman të aeroportit, duan ta përzënë… Ja kanë bërë benë!
Ose thjesht mund të flasë për kufinjtë e Kosovës, se me të Shqipërisë ka mbaru punë…
Për çështjet e tjera, që i takojnë demokracisë sonë, pa dyshim fajin e ka PD dhe CDU…
Në fund po të njëjtat media do raportojnë për një takim të suksesshëm si rralle më parë. As kur ishim mirë me Merkelin nuk kemi qenë kaq mirë sa sot.
