Ministri i Drejtësisë flet për lirimin e të burgosurit kosovar në kundërshtim me vendimin e gjykatws
Pas lirimit nga qelia burgut të Shën Kollit në Lezhë, të Shuaip Zukaj, ministri i Drejtësisë, Ylli Manjani, ka paralajëmruar shkarkime. Ai tha sot se do të presë rezultatet e hetimit për të vepruar më pas me shkarkime.
Ylli Manjani:“Kam marrë dijeni që ditën premte, por nuk jam këtu që të shqetësohem për të bërë lajme, por për të bërë punën. Dua të respektoj deri në pikën e fundit një hetim që ka nisur nga prokuroria e Lezhës dhe me kontributin e Prokurorisë së Përgjithshme, sepse e kam ende të vështirë ta besoj se kjo është një çështje zyrtarësh lokalë si parëndësi, është një çështje që meriton ndërhyrje serioze. Sa i takon pjesës së shkarkimeve as më dridhet dora fare, jo tre inspektorët e SHKB-së që kanë fjetur gjumë aty, por të gjithë drejtuesit e administratës së burgjeve dhe çfarë është në kompetencën e Ministrit të Drejtësisë është minimumi që unë mund të bëj ti shkarkoj nga puna. Por pres zhvillime të tjera që i takojnë Prokurorisë së Shtetit.
Zukaj, është lënë i lire pasi ka kryer dënimin në Shqipëri edhe pse vendimi i formës së prerë dhënë nga Gjykata në Shqipëri, parashikonte që me përfundimin e dënimit Zukaj duhet të ekstradohet në Kosovë.
