Protesta e studentëve po vijon në ditën e gjashtë të saj, ndërsa është refuzuar ftesa e kryeministrit Rama për të pasur dialog me ta në facebook.
Së fundi, ka një mesazh që po bëhet viral në rrjetet sociale; bëhet fjalë për interesimin e Endri Fugës sesi po shkon protesta e studentëve në një grup me kryetarët e FRESSH-it.
I sapozgjedhuri kryetar i FRESSH në Tiranë, Glindxhet Madhi është një prej studentëve që të shtunën përzuri banorët e Astirit nga protesta përpara Ministrisë së Arsimit.
Glindxhet Madhi është cilësuar si një prej personave që synon që të përçajë studentët, sa kohë që vetë ai është kreu i një forumi partiak.
Nuk dihet se kush është personi që ka shpërndarë mesazhin e Fugës, po të gjithë emrat që janë pjesë e chat-it me një kërkim të thjeshtë rezultojnë që të jenë pjesë e strukturave drejtuese të forumit rinor të PS-së.
‘’Si duket situata me studentët”, mesazhi i Endri Fugës që po bëhet viral në rrjet (Foto)
