Presidenti Ilir Meta gjatë fjalës së tij në tubimin e sotëm të organizuar nga vetë ai për mbrojtjen e Kushtetutës, ka akuzuar qeverinë se ka miratuar çdo ligj antikushtetues vetënm për të kapur Gjykatën Kushtetuese.
Ai ka akuzuar edhe Ministren e Drejtësisë Etilda Gjonaj, duke thënë se ajo është në krye të falsifikimeve të bëra kapjen e Gjykatës Kushtetuese.
Meta shprehet se asnjë vend i NATO-s dhe BE nuk ka ndenjtur asnjë ditë pa Gjykatë Kushtetuese, ndërsa thekson se grushti i shtetit u thëllua me kapjen e Prokurorit të Përgjithshëm, që u zgjodh me 69 vota, nga 84 që e kërkon Kushtetuta.
Pjesë nga fjala e Metës:
“Në krye të falsifikime qëndorn ministria e drejtësisë.
Si mund të ndihet e qetë familja kur pushteti degradon në një shtet policor.
Ky shtet po kap pushtetet në mënyrë antikushtetuese.
Ky grusht shteti nisi me vjedhjen e zgjedhjeve të 2017, me dosje që nuk hetohen edhe pse institucionet kërkojnë hetimin e tyre, dosjet 339 dhe 184 janë vetëm maja e ajsbergut.
Grushti i shtetit u thëellua me kapjen e Prokurorit të Përgjithshëm, me 69 vota nga 84 vota që thotë Kushtetuta.
Përmes parlamentit monist miratuan një rezolutë kundër dekretit të presidentit, kundër zgjedhjeve të 30 qershorit.
Ata thonë se Presidenti nxjerr dekrete por nuk i zbatohen, ata kujtojnë se institucionet e tyre janë supreme, dekretin e presidentit për anullimin e zgjedhjeve të 30 qershorit e zbatoi populli, duke marrë pjesë vetëm 5 % në votime. Rrëmbyen 100% të pushtetit lokal.
Faleminderit KE që i bojkotoi këto zgjedhje, dhe tha se ‘ne nuk kemi monitoruar ndonjëhëre zgjedhje njëpartiake’.
Ata miratuan KÇK vetëm për të asgjësuar totalisht drejtësinë e re.
Për të mbyllur cdo kufi për ndëshkimin e këtij sekti mafioz që vetëm po vjedh Shqipërinë.
Tentuan të kapin Gjykatën Kushtetuese nëpërmjet falsifikimeve, duke bërë pjesë të grushtit të shtëtit të gjitha institucionet e drejtësisë.
Miratuan në pabesi ligjin antikushtetues për betimin e anëtarëve të Gjykatës Kushtetuese, pak orë para se të vinte Komisioni i Venecias.
Ky ligj u votua me qëllimin e vetëm për të bërë Gjykatën Kushtetuese, kamikaze të Rilindjes, të cilët betohen te Lana dhe s’mund të betohen te Kreu i shtetit.
Të gjitha institucionet mohuan të kenë dhënë mendim për këtë vendim antikushtetues.
A ka ndonjë vend të NATO ose Europës që ka qëndruar pa Gjykatë Kushtetuese qoftë edhe një ditë?
https://www.facebook.com/ilirmetazyrtar/videos/281911042781620/
