Uniformat e reja të Kombëtares, ato me që do të prezantohemi në Euro 2016 kanë filluar të kthehen në mani. Janë të personalizuara, vërtet shumë të bukura po t’i shohësh dhe fillimisht u tha që janë ndër pesë më të shtrenjtat e atyre që do të përdorin 24 pjesëmarrsit e finaleve të Francës. Por për të na mbajtur të karikuar na u tha gjithashtu, se tashmë Shqipëria do të jetë më dinjitoze në evenimentin e madh ku do të debutojë, ndërsa për t’i dhënë kuptim të gjithë kësaj fushate reklamuese të “macron”, më në fund të gjithë ata që na kanë bërë krenarë u mblodhën në sallën e Akademisë së Arteve, për të promovuar edhe një herë produktin. Përfaqësuesi i firmës italiane tha për sallën e tejmbushur, se dizaini është konceptuar në bashkëpunim me presidentin Duka, që deri pak orë më parë askush nuk e dinte se kishte prirje edhe si stilist, ndërsa disa futbollistë bënë si Klaudia Shifer, duke sfiluan me të tre uniformat. Pra në Francë do t jemi “macron” firmato, të mbushura me shqiptarë, të cilët duhet ta tregojnë në fushë se sa vlejnë.
