Ministrja e Shëndetësisë Ogerta Manastirliu ka treguar fytyrat e mjekëve të spitalit “Shefqet Ndroqi” i cili nga sot nuk është më spital Covid.
Përmes një statusi në Facebook, Manastirliu thotë se i gjithë stafi i këtij spitali përballoi me sukses situatën e koronavirusit, ndërsa shpreh mirënjohje për punën e tyre.
“Me guxim, sakrificë e profesionalizëm, mjekët, infermierët, i gjithë stafi i spitalit universitar “Shefqet Ndroqi”, përballoi me sukses situatën e shkaktuar nga Covid 19 dhe nga sot rikthehet në normalitet. Mirënjohje të gjithë stafit mjekësor për punën dhe përkushtimin! Ndërsa beteja e përditshme vijon në spitalin Infektiv, ku po trajtohen pacientët e prekur nga koronavirusi”, shkruan Manastirliu.
