Ministrja e Shëndetësisë Ogerta Manastirliu deklaroi se po përgatitet protokolli i sigurisë për hapjen e shkollave, në mënyrë që të parandalohet përhapja e koronavirusit.
Gjithashtu, Mansatirliu tha se nga eksperienca e deritanishme është vënë re se transmetimi në shkolla ka qenë i rrallë, ndërsa mori në shembull edhe hapjen e kopshteve ku tha se ka pasur raste por jo shpërthime të infeksionit të Covid-19.
“Ne si institucione nuk i kemi ndërprerë përgatitjet për të përcaktuar protokollet e sigurisë. Grupet tona janë në komunikim për protokollet ku përfshihen masat e distancimit social. Nga vëzhgimet e kryera rezulton se transmetimi I sëmundjes në shkolla ka qenë I rrallë. Ato kanë pak mundësi të përhapin virusin nëse merren masa. Kemi eksperiencën me hapjen e kopshteve ku është vënë re se pavarësisht rasteve të infeksioneve nuk kemi pasur shpërthime.
Çdo vendim po koordinohet me përgjegjësi. Qëllimi ynë është siguria e shëndetit të çdo qytetari. Une e thashë edhe dje sa I përket ecurisë së pandemisë. Zbatueshmëria e masave mbrojtëse janë parakusht edhe për hapjen e institucioneve arsimore. ISHP po përgatit protokollin e sigurisë. Ne do të vijojmë informojmë qytetarët duke kërkuar zbatimin e rregullave”,tha Manastirliu.
