Një 24-vjeçar është plagosur me armë rreth orës 11 të ditës së sotme në qendër të qytetit të Mamurrasit.
Mësohet se i plagosuri është Mateo Kala, ndërsa autorët e plagosjes janë dy vëllezërit me inicialet N.B dhe GJ.B.
Mateo Kala ka qenë duke pirë kafe në ambjentet e jashtme të një lokali, kur është qëlluar me një plumb pistolete në këmbë.
Ai është dërguar me urgjencë në spital dhe ndodhet jashtë rrezikut për jetën.
Policia ka ngritur pika kontrolli me qëllim kapjen e autorëve, gjithashtu grupi hetimor po punon në vendngjarje për zbardhjen e plotë të shkaqeve që çuan në plagosjen e 24 vjeçarit..
